Hoppa yfir valmynd
13. nóvember 2009 Dómsmálaráðuneytið

Mannanafnanefnd, úrskurður 13. nóvember 2009

FUNDARGERÐ

Ár 2009, föstudaginn 13. nóvember, var haldinn símafundur í mannanafnanefnd. Mætt voru Kolbrún Linda Ísleifsdóttir, Ágústa Þorbergsdóttir og Baldur Sigurðsson. Neðangreint mál var tekið fyrir:

  

Leiðrétting á úrskurði frá 23. júní 2004.

                        Isabella – Beiðni um endurupptöku máls nr. 79/2001.

 

Í máli nr. 79/2001 var sótt um endurupptöku á úrskurði mannanafnanefndar frá 7. júlí 1999, þess efnis að ritmyndin Isabella væri tekin á mannanafnaskrá. Mannanafnanefnd synjaði þá beiðni um endurupptöku.

 

Árið 2004 var málið endurupptekið að nýju og hafði þá ritmyndin Isabella unnið sér hefð í íslensku máli, sbr. vinnulagsreglur mannanafnanefndar frá 7. september 2000. Mannanafnanefnd láðist að geta þess í úrskurðarorði að um væri að ræða ritmynd af Ísabella en ekki sjálfstætt eiginnafn, sbr. úrskurðarorð í gerðabók mannanafnanefndar frá 23. júní 2004: „Beiðni um eiginnafnið Isabella er tekin til greina og skal það fært á mannanafnaskrá“.

Að gefnu tilefni er umrætt úrskurðarorð leiðrétt:

 

Úrskurðarorð:

Beiðni um eiginnafnið Isabella (kvk.) er samþykkt og skal nafnið fært á mannanafnaskrá sem ritmynd eiginnafnsins Ísabella (kvk.). 

 

 

--------------------------------------------

Fleira var ekki tekið fyrir og fundi slitið.

 



Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum