Sía ár



Mannanafnanefnd - úrskurðir

14.5.2009

FUNDARGERÐ

Ár 2009, fimmtudaginn 14. maí, var haldinn fundur í mannanafnanefnd að Neshaga 16, Reykjavík. Mætt voru Kolbrún Linda Ísleifsdóttir, Ágústa Þorbergsdóttir og Veturliði G. Óskarsson. Neðangreind mál voru tekin fyrir:

 

 

1.         Mál nr.  35/2009         Eiginnafn:        Ísbjörn  (kk.)

Kveðinn er upp svohljóðandi úrskurður:

Eiginnafnið Ísbjörn (kk.) tekur beygingu í eignarfalli, Ísbjarnar og Ísbjörns, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Beiðni um eiginnafnið Ísbjörn (kk.) er samþykkt og skal nafnið fært á mannanafnaskrá ásamt báðum eignar-fallsendingum þess, Ísbjarnar og Ísbjörns.

 

 

2.         Mál nr.  36/2009         Eiginnafn:        Atalía  (kvk.)

Kveðinn er upp svohljóðandi úrskurður:

Eiginnafnið Atalía (kvk.) tekur beygingu í eignarfalli og telst að öðru leyti uppfylla ákvæði 5. gr. laga nr. 45/1996 um mannanöfn. Nafnið fallbeygist Atalíu í aukaföllum.

Úrskurðarorð:

Beiðni um eiginnafnið Atalía  (kvk.) er samþykkt og skal nafnið fært á mannanafnaskrá ásamt eignarfallsendingu þess, Atalíu.

 

 

3.         Mál nr. 37/2009          Millinafn:         Valagils

Kveðinn er upp svohljóðandi úrskurður:

Millinafnið Valagils er dregið af íslenskum orðstofnum, hefur ekki nefnifallsendingu og hefur hvorki unnið sér hefð sem eiginnafn kvenna né sem eiginnafn karla. Nafnið er ekki heldur ættarnafn í skilningi 7. gr. laga nr. 45/1996 um mannanöfn. Millinafnið Valagils uppfyllir þannig ákvæði 6. gr. fyrrnefndra laga.

Úrskurðarorð:

Beiðni um millinafnið Valagils er samþykkt og skal nafnið fært á mannanafnaskrá.

 

 

4.         Mál nr.  38/2009         Eiginnafn:        Adríana  (kvk.)

Kveðinn er upp svohljóðandi úrskurður:

Eiginnafnið Adríana (kvk.) tekur beygingu í eignarfalli og telst að öðru leyti uppfylla ákvæði 5. gr. laga nr. 45/1996 um mannanöfn. Nafnið fallbeygist Adríönu í aukaföllum. 

Úrskurðarorð:

Beiðni um eiginnafnið Adríana  (kvk.) er samþykkt og skal nafnið fært á mannanafnaskrá ásamt eignarfalls-endingu þess, Adríönu.

 

 

5.         Mál nr.  39/2009         Eiginnafn:        Ollý  (kvk.)

Kveðinn er upp svohljóðandi úrskurður:

Eiginnafnið Ollý (kvk.) tekur beygingu í eignarfalli, Ollýjar, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Beiðni um eiginnafnið Ollý  (kvk.) er samþykkt og skal nafnið fært á mannanafnaskrá ásamt eignarfallsendingu þess, Ollýjar.

 

 

6.         Mál nr.  40/2009         Eiginnafn:        Álfrós  (kvk.)

Kveðinn er upp svohljóðandi úrskurður:

Eiginnafnið Álfrós (kvk.) tekur beygingu í eignarfalli, Álfrósar, og telst að öðru leyti uppfylla ákvæði 5. gr. laga nr. 45/1996 um mannanöfn.

 

Úrskurðarorð:

Beiðni um eiginnafnið Álfrós (kvk.) er samþykkt og skal nafnið fært á mannanafnaskrá.

 

 

7.         Mál nr.  41/2009         Eiginnafn:        Emeralda  (kvk.)

Kveðinn er upp svohljóðandi úrskurður:

Eiginnafnið Emeralda (kvk.) tekur beygingu í eignarfalli og telst að öðru leyti uppfylla ákvæði 5. gr. laga nr. 45/1996 um mannanöfn. Nafnið fallbeygist Emeröldu í aukaföllum.

 

Úrskurðarorð:

Beiðni um eiginnafnið Emeralda (kvk.) er samþykkt og skal nafnið fært á mannanafnaskrá ásamt eignarfalls-endingu þess, Emeröldu.

 

 

 

 

---------------------------------------------

Fleira var ekki tekið fyrir og fundi slitið.