Mannanafnanefnd, úrskurðir 13. mars 2003
Þann 13. mars 2003, var fundur haldinn í Mannanafnanefnd. Fundinn sátu Andri Árnason, formaður, Guðrún Kvaran og Margrét Jónsdóttir.
Eftirtalin mál voru tekin til afgreiðslu:
Mál nr. 16/2003
Eiginnafn: Ríó (kk.)
Kveðinn er upp svohljóðandi úrskurður:
Eiginnafnið Ríó tekur eignarfallsendingu (Ríós) og telst að öðru leyti fullnægja 1. mgr. 5. gr. laga nr. 45/1996 um mannanöfn.
Úrskurðarorð:
Beiðni um eiginnafnið Ríó er tekin til greina og skal það fært á mannanafnaskrá.
Mál nr. 17/2003
Eiginnafn: Kadder (kk.)
Kveðinn er upp svohljóðandi úrskurður:
Nafnið Kadder telst hvorki ritað í samræmi við almennar ritreglur íslensks máls né hefur það unnið sér hefð í íslensku, sbr. 1. mgr. 5. gr. laga nr. 45/1996 um mannanöfn. Beiðni um eiginnafnið Kadder er því hafnað.
Úrskurðarorð:
Beiðni um eiginnafnið Kadder er hafnað.
Mál nr. 18/2003
Eiginnafn: Ólasteina (kvk.)
Kveðinn er upp svohljóðandi úrskurður:
Ólasteina telst ekki myndað í samræmi við almennar nafnamyndunarreglur íslensks máls og telst því brjóta í bága við íslenskt málkerfi. Þá hefur Ólasteina ekki unnið sér hefð í íslensku máli, sbr. 5. gr. laga nr. 45/1996 um mannanöfn.
Úrskurðarorð:
Beiðni um eiginnafnið Ólasteina er hafnað.
Fleira ekki gert.
Fundi slitið.