Sía ár



Mannanafnanefnd - úrskurðir

19.2.2018

Mál nr. 7/2018                       Millinafn:       Bárðdal

 


Hinn 26. janúar 2018 kveður mannanafnanefnd upp svohljóðandi úrskurð í máli 7/2018 en erindið barst nefndinni 25. janúar:

Millinafnið Bárðdal er dregið af íslenskum orðstofni, hefur ekki nefnifallsendingu og hefur hvorki unnið sér hefð sem eiginnafn kvenna né sem eiginnafn karla. Nafnið er ekki heldur ættarnafn í skilningi 7. gr. laga nr. 45/1996 um mannanöfn. Millinafnið Bárðdal uppfyllir þannig ákvæði  6. gr. fyrrnefndra laga.

 

Úrskurðarorð:

Beiðni um millinafnið Bárðdal er samþykkt og skal nafnið fært á mannanafnaskrá.