Um mannanafnanefnd


Um mannanafnanefnd gilda ákvæði 21. - 23. gr. laga um mannanöfn nr. 45/1996
Innanríkisráðherra skipar nefndina til fjögurra ára í senn að fengnum tillögum heimspekideildar Háskóla Íslands, lagadeildar Háskóla Íslands og Íslenskrar málnefndar.

Eftirtalin eru skipuð í nefndina frá og með 27. janúar 2014 til  og með 26. janúar 2018 eða til næstu fjögurra ára:

  • Ágústa Þorbergsdóttir, verkefnisstjóri hjá Stofnun Árna Magnússonar,
  • Jóhannes Bjarni Sigtryggsson, sérfræðingur hjá Stofnun Árna Magnússonar,
  • Helgi Áss Grétarsson, dósent við lagadeild Háskóla Íslands.

Varamenn:

  • Magnús Snædal Rósbergsson, prófessor í almennum málvísindum við Háskóla Íslands,
  • Ingibjörg B. Frímannsdóttir, lektor á Menntavísindasviði Háskóla Íslands,
  • Brynhildur G. Flóvenz, dósent við lagadeild Háskóla Íslands.

Skriflegum erindum til mannanafnanefndar skal beint til:
Mannanafnanefnd
b.t. Þjóðskrár Íslands
Borgartúni 21
105 Reykjavík

Netfang: mannanafnanefnd@irr.is

Helstu verkefni mannanafnanefndar eru þessi:

  1. Að semja skrá um eiginnöfn og millinöfn sem teljast heimil skv. 5. og 6. gr. laga um mannanöfn og er hún nefnd mannanafnaskrá. Unnt er að fara inn á slóð skrárinnar hér að neðan. Skráin er uppfærð eftir hvern fund mannanafnanefndar.
  2. Að vera prestum, forstöðumönnum skráðra trúfélaga, Þjóðskrá Íslands og forsjármönnum barna til ráðuneytis um nafngjafir og skera úr álita- og ágreiningsefnum um nöfn samkvæmt lögum um mannanöfn.
  3. Að skera úr öðrum álita- eða ágreiningsmálum sem upp kunna að koma um nafngjafir, nafnritun og fleira þess háttar.

Úrskurðum mannanafnanefndar er ekki unnt að skjóta til æðra stjórnvalds.

Ath. gjald fyrir beiðni til mannanafnanefndar um samþykki fyrir nýju nafni á mannanafnaskrá er 3000 kr. og greiðist hjá Þjóðskrá Íslands við innlagningu beiðnarinnar.